Juan d'Inglaterra,[4] más conocíu como Juan ensin Tierra —orixinalmente Johan sanz Terre en normandu, John Lackland n'inglés— (Palaciu de Beaumont, Oxford, 27 d'avientu de 1166[5]- Castiellu de Newark, Nottinghamshire, 18 d'ochobre de 1216), foi rei d'Inglaterra y señor d'Irlanda.
Reinó n'Inglaterra dende'l 6 d'abril de 1199 hasta la so muerte en 1216. Asocedió nel tronu al so hermanu mayor, el rei Ricardu I d'Inglaterra (conocíu como «Ricardo Corazón de Lleón»). Juan ganó'l llamatu de «Ensin Tierra» por cuenta de la so falta d'heriedu[6] por ser el menor de los fíos y por perder los territorios en Francia; tamién foi moteyáu «Espada Nidia» pola so conocida ineptitú militar. Foi un rei Plantagenet o de la llinia angevina.
© MMXXIII Rich X Search. We shall prevail. All rights reserved. Rich X Search